السيسي: لن يتم البناء في مناطق بالقاهرة مرة أخرى.. «هنبقى دولة مظبوط»
إسكان مصر- خاص:
خلال افتتاحه عددا من المشروعات القومية و«الأسمرات 3»، الأحد، تحدث الرئيس عبدالفتاح السيسي عن قرار وقف تراخيص البناء، مؤكدًا أن الهدف منه «مصلحة مصر».
وقال السيسي: «ده أمن قومي، وأنا دماغي فيه أوي، إيقاف الرخص الهدف منه ماكنش ضد مصلحة الناس، إحنا قاعدين ننتقد الزحمة، ولما نيجي ناخد إجراء، يقولك مصالح الناس، بقول للناس (ده حقك محدش يغتصب أرضك وأنت قاعد تتفرج)».
وأوضح السيسي أن هناك مناطق داخل القاهرة، لن يتم البناء داخلها مرة أخرى، مؤكدًا: «إحنا دولة وهنبقى دولة مظبوط».
وعن وقف تراخيص البناء بحزم، قال السيسي: «الأمر ده مش هيحصل، وحجم المخاطر بتاعة المخالف خطيرة على الدولة المصرية، ونتحرك بكل أجهزة الدولة.. المحافظات والوزارات وأجهزة الأمن، لن نتردد أبدا عن وقف هذه الظاهرة، الدولة تتعامل مع الأمور بشكل دولة منضبطة وملتزمة وفق إجراءات محددة».
