اوعى حد يهد بلدكم ويقول كلام كدب وجهل..
السيسي للمصريين: «قدمت نفسي فدا مصر.. هو أنا ضيعتكم؟»
03:56 م - الأربعاء 16 سبتمبر 2020
إسكان مصر- خاص:
وجه الرئيس عبدالفتاح السيسي، سؤالا للمصريين خلال افتتاح الجامعة المصرية اليابانية بالإسكندرية، الأربعاء، وقال «هو أنا ضيعتكم؟ أنا قدمت نفسي فدا مصر، هي الكهرباء لسه بتقطع؟».
وتابع: «اللى بيألمني أننا نرى البعض منهم، لما الصورة اتغيرت، بدل ما يمد ايد التعاون لمصر، بيدوروا على هدم مصر، بيجهزوا قنواتهم عشان يهدوا بلد».
وأضاف: «لما مصر كانت كويسة كنا بنساعد كل الناس.. بقول للمصريين هو ده رد الجميل للى اتعمل خلال الـ100 سنة اللى فاتوا، ده رد الجميل أنهم عاوزين يهدونا، بقول للمصريين اوعى حد يهد بلدكم ويقول كلام كدب وجهل».
وتابع: «عاوزين تهدوا الدول ليه؟ ابعدوا عننا بشركم، ده فيها ملايين الناس، عاوزينها تتخرب، إحنا بنصلح اللى بقاله سنين متساب».
